Voce solista e friscaletto Pietro Cernuto
Chitarra e voce Luca Centamore
Lauto e voce Carmelo Cacciola
Tamburello e voce Francesco Salvadore
Percussioni Arnaldo Vacca

Accattari vurria na virrinedda
di notti la to’ porta spurtusari
pi vvidiri ggiojia mia quantu si bbedda
quannu ti spogghji prima di curcari

E timu ca non fussi accussì bbedda
ca l’occhji non mìavissiru annorbari
lassa la porta misa a spaccazzedda
ca jo stanotti ti vegnu a truvari…

E na varcuzza banneri banneri
sta ddia d’amuri nni vinni a purtari
ridiunu tutti li cilesti speri
trimavanu li specchji di lu mari

Binidittu lu Ddiu ca t’ammanteni
e accussì bedda ti vosi furmari
spampinanu li ciuri aunn’è ca veni
l’ariu tribulatu fa’ ssirinari

Avia li trizzi di na Mantalena
‘n testa si miritava na curuna
a la so’ casa non ci su’ lumera
lu lustru lu fai tu Stidda Ddiana

Catina ca mi teni ‘ncatinatu
Catina ca ‘ncatini l’arma mia
Bbeni ti vogghjiu cchjiù di lu me’ ciatu
accussì crjiu ca vo’ bbeni a mmia