Autore: P. Cernuto

Voce solista, zampogna a paro e marranzano Pietro Cernuto
Clarinetto Rina Mastrototaro
Lauto Carmelo Cacciola
Percussioni, tamburello e marranzano Arnaldo Vacca
Chitarra e chitarra battente Luca Centamore

Genti di na vota
chi la vita ormai passaru
‘nsignamenti a non finiri
a nui tutti nni dunaru
Furtunatu cu i canusci
cu i capisci e cu l’apprezza
forsi un gghjiornu u capiremu
‘nta sta vita oramai paccia

modi ‘i diri e di pinsari
e di vidiri la vita
chi pi nnui du munnu d’oggi
pari storia oramai finuta
spiramu almenu fra tant’anni
quannu nni faremiu ranni
mi non nni scurdamu mai
chi pi nnui ficiru assai

Genti di na vota
ognunu ca so’ storia
esperienzi a nnui cuntati
chi ssignaru a nostra vita

Generazioni di cristiani
chi purtroppu si nni vannu
tradizioni antichi e sani
chi ormai stannu scumparennu

Speramu almenu nui carusi
mi ‘nsignamu cocchi cosa
in modu tali di ‘sta genti
non si perdi mai a mimoria

e quannu e nostri figghji
ci parramu di st’anziani
cu ll’occhi aperti hann’ascutari
pirchi’ hannu sulu di ‘nsignari

“Ritornello”

Nella vita nni ‘nsignaru
a campari e a caminari
e chi certi voti e’ megghjiu
pinsari prima di parrari

Chi lu giustu s’av’ affari
e lu troppu si po’ evitari
non c’e’ bisognu d’assicutari
chista vita ch’av’a finiri

U ciriveddu ‘ttacca a ffuriari
quannu di iddi vurria parrari
tanti cosi vurria diri
mi bbi fazzu ‘nnamurari

E scusatimi si insistu
ma cu iddi jo’ criscia
non m’abbasta fari un testu
mi bb’i discriviria