Sonata per zampogna: Andante

Musiche: P. Cernuto Testi: D. Citarella

Zampogna a paro Pietro Cernuto
Voce Nando Citarella
Chitarra Luca Centamore

Fronna uoie fronna d’o limone
Saglie saglie pe sta via
Dint’o core ‘e nenna mia
Cu sta doce melodia

Saglie uoie fronna d’o limone
Comm’o viento, vient’e mare
T’accarezza ‘ncopp’a l’onna
E te vasa cu sta fronna
Ment’io canto e ‘o canto mio
Parla ‘a nenna accussì sia.

Stu canto mio sta melodia
Torna a te doce pensiero
Caro mio bene nenna mia doce
Saglie ‘a voce ‘e ‘o canto vene

Occhi niurelli palma d’auliva
Nun te pozzo cchiù scordare
La toia bellezza lo tuo parlare
M’hanno fatt’annammurare

Sta melodia miezz’a sta via
Co lo canto e lo suonare
Cu priezza fronna fronna
Comm’o vient’ncopp’all’onna
Comm’o viento vient’e mare
Canto e sempre ti voglio amare
A te canto bene mio
Colla zampogna e lo canto mio.